Jenner modelja më e paguar në botë, Bundchen rrëzohet pas 15 vjetësh

Kendall Jenner është modelja më e paguar e vitit 2017, sipas revistës prestigjioze “Forbes”.

“Forbes”, në listën e përvitshme, e ka nxjerrë Jennerin të parën me 22 milionë dollarë të fituar.

Kjo është hera e parë në 15 vjet që Gisel Bundchen nuk fitoi titullin e më të paguarës, pasi mori 17.5 milionë dollarë, transmeton Albinfo.ch.

Me vetëm 22 vjet, Jenner la prapa Bundchenin dhe emra të tjerë të njohur. Në vendin e tretë doli Chrissy Teigen, që u përfshi për herë të parë në këtë listë, me 13.5 milionë dollarë të fituar.

Top-dhjetëshen e kompletojnë Adriana Lima, Gigi Hadid, Rosie Huntington-Whiteley, Karlie Kloss, Liu Wen, Bella Hadid dhe Ashley Graham që bëhet modelja e parë me peshë jo të zakonshme për modelet që hyn në këtë listë. Ajo fitoi 5.5 milionë dollarë.