Lajme
“KÂ kamping” në Austri
Nga data 11-14 qershor, të rinj e familjarë shqiptarë që jetojnë në Austri mund të kalojnë 4 ditë të paharrueshme së bashku në një prej zonave më të bukura malore të Niederösterreich (Austria e Ultë), gjegjësisht në Krumau am Kamp.
Organizata KÂ organizon këtë vit kampingun e gjashtë me radhë. Nga data 11-14 qershor, pjesëtarë të komunitetit shqiptar por edhe të huaj që jetojnë në Austri mund të kalojnë 4 ditë të paharrueshme së bashku, në një prej zonave më të bukura malore të Niederösterreich (Austria e ultë), gjegjësisht në Krumau am Kamp.
“Sikurse edhe në vitet e kaluara, edhe këtë vit ‘KÂ kamping’ ka në fokus të veçantë sportin, prandaj është zgjedhur kampingu Seecamping u. Freizeitanlage Krumau am Kamp, i cili ofron mundësi të shumta për lojëra dhe sport si për fëmijë ashtu edhe të rritur sikurse: volejboll në rërë, terren të madh të futbollit, terren të tenisit, mini-golf, anije të ndryshme për sporte ujore, peshkim, hiking etj.
“Kënaqësi tjera tanimë tradicionale që ‘KÂ Kamping ’20’, janë Open-air kino në natyrë, mbrëmje rreth zjarrit, skarë, ushqim tradicional e shumë të tjera”, thotë për Albinfo Austria, Ermal Vejsa, njëri nga organizatorët e këtij kampingu.
Të gjithë të interesuarit ftohen që të konfirmojnë pjesëmarrjen sa më parë, sepse duhet të lajmërohet numri i saktë i tendave që do të vendosen në kamping, pavarësisht që hapësira e përbashkët në kamping tanimë është e rezervuar.
Pagesat e nevojshme për qëndrimin në kamping kryhen individualisht me të mbërritur në kamping. Një pjesë do të rrugëtojnë me automjetet e tyre private, ndërsa për ata që nuk kanë këtë mundësi është siguruar transporti me kombi, por vendet janë të limituara. Prandaj, nevojitet që organizata të lajmërohet sa më parë për t’u koordinuar rreth kësaj çështje.
Organizata KÂ njihet për organizimin e shumë aktiviteteve rinore në Austri, kryesisht në Vjenë.
KÂ filloi me organizimet vullnetare të Ermal Vejsës dhe Lirjetë Avdiut, të cilët kanë pasur për qëllim të mblidhnin së bashku shoqërinë, si rezultat i nevojës që edhe këtu në Vjenë t’a gjejnë sadopak një zëvendësim të denjë, të asaj çfarë kishim lënë pas në Kosovë. “Pasi që çdo ditë e më shumë rrethi shoqëror rritej dhe organizimet shtoheshin, u krijua nevoja që ky grup të zyrtarizohej në një organizatë të cilën e quajtëm thjeshtë e shqip – KÂ – (‚me pasë‘, ‚ekziston‘), si një lloj proteste ndaj mendimeve se në Vjenë s’kâ organizime të mirëfillta” shprehet Ermali për Albinfo Austria.
Janë bërë organizime të ndryshme duke filluar që nga evente kulturore, artistike e deri tek ato më të mëdha dhe me karakter sportiv sikurse kampingu ‚KÂ kamping‘ i bërë disa vite rresht dhe ku numri i pjesëmarrësve ka arritur edhe mbi 70 veta me katër ditë qëndrim.
“Krijimi i këtyre organizimeve ishte që në fillim dhe vazhdon të qëndrojë në idenë dhe dëshirën që njerëzit nga komuniteti jonë të njihen me njëri tjetrin, të qëndrojnë sa më shumë në kontakt, të shkëmbejnë ide dhe të krijojnë bashkëpunime të natyrave të ndryshme.”
Për gjashtë vite me radhë, KÂ kamping është organizuar në vende të ndryshme të Austrisë, duke eksploruar natyrën përrallore që ekziston në Austri dhe duke u njohur gjithnjë e më shumë me kulturën e këtij vendi.
E-Diaspora
-
Interi, kampion, me futbollistin shqiptar Asllani: Nuk mund të kërkoja diçka më mirë Mesfushori shqiptar i Interit, Kristjan Asllani, komenton për “Inter TV” fitimin e titullit kampion në derbin...
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët