Kancelari gjerman: Sulmi i Rusisë s’mund të justifikohet në asnjë mënyrë

Kancelari gjerman, Olaf Scholz, tha se ndërhyrja ushtarake ruse në Ukrainë nuk mund të justifikohet në asnjë mënyrë, përcjell albinfo.ch.

“Sulmi i Rusisë ndaj Ukrainës është një shkelje e qartë e ligjit ndërkombëtar. Nuk mund të justifikohet në asnjë mënyrë”, tha Scholz, në një deklaratë të postuar në Twitter.

Duke thënë se Gjermania e dënoi ashpër këtë “vepër të ashpër” të presidentit rus Vladimir Putin, Scholz theksoi se janë në solidaritet me njerëzit në Ukrainë.

Scholz i bëri thirrje Rusisë të përfundojë menjëherë aksionin e saj ushtarak, duke shtuar: “Ne do të jemi në koordinim të ngushtë brenda G7, Bashkimit Evropian dhe NATO-s. Është një ditë e tmerrshme për Ukrainën dhe një ditë e errët për Evropën”.