Maqedonia
Kërçova e varuar nga diaspora, anulimi i dasmave kushton 10 milionë euro
Nëse nuk do të kemi lehtësim të masave nga pandemia për të ardhur qytetarët tanë nga diaspora, në Kërçovë pritet që shumë biznese të vogla të falimentojnë
Për shkak të krizës nga koronavirusi, informacioni na rezulton se shumica e dasmave janë shtyrë dhe të tjera janë anuluar në Maqedoninë Veriore.
Në qytetin e Kërçovës egzistojnë 20 sallone dasmash, të cilat jo më pak se 25 dasma kanë gjithsecila prej tyre brenda sezonit veror.
Sipas një analize të realizuar nga një sondazh mesatarisht për një dasëm shpenzohet jo më pak se 20.000 euro, raporton TV Gurra.
Që do të thotë se vetëm nga organizimet e dasmave në restorante, në qyetin e Kërçovës në harkun kohor korrik-gusht qarkullojn mbi 10 milionë euro, përcjell albinfo.ch.
Por ceremonia e një dasme, përfshin angazhimin e shumë bizneseve. Duke filluar nga restorantet deri në studiot e modës dhe sallonet e ondulimit. Ku vetëm te sallonet e bukurisë, nga një përllogaritje e thjeshtë, biznesi tyre dëmtohet minimalisht me 2 milionë euro. Që do të thotë nga 500 dasma që bëhen vetëm në restorante (pa llogaritur ato në ambiente shtëpie), me një mesatare prej 300 pjesmarrësve në një dasmë, numri i përgjithshëm i dasmorëve që rrotullohen nga njëra në dasmën tjetër është 150.000 dasmorë. Nga të cilët gjysma janë të gjinisë femërore, e të cilat për rregullimin e tyre në sallon të ondulimit minimalisht shpenzojnë për në çdo dasmë nga 30 euro. Vlerë të cilën nëse e shumëzojmë në 75.000 veta sa janë përafërsish të gjinisë femërore që shkojnë në dasma, i bjen që minimalisht në sallone të ondulimit për periudhën e dasmave shpenzohet jo më pask se 2 milionë euro.
Pra, nëse këtu llogarisim biznesin zinxhirë që krijon organizimi i një dasme, siç janë, muzika, veshjet, mobilimi, bizhuteritë, kostumet e porositura për çiftin, dekorimi, filmimi, fotografitë, kompanitë që furnizojnë restorantet, punëtorët sezonalë dhe një sërë biznesesh tjera të mikro-ndërmarrjeve, pa më dyshje vlera e qarkullimit për një sezon jo të plotë prej dy muajsh në Kërçovë është mbi 10 milionë euro.
Nëse shpenzimeve të dasmave i shtojmë edhe konsumin e përditshëm të një familje kërçovare që vijnë nga jashtë dhe ndërtimet që realizohen në këtë periudhë, vlera e qarkullimit monetar në sezonin veror në Kërçovë kalon mbi 15 milionë euro.
Duke parsysh se Kërçova mbi 50 përqind të popullatës e ka jashtë vendit, biznesi lokal thuajse varet kryekëput nga këto të ardhura, të cilat në këtë vit, nëse nuk do të kemi lehtësim të masave nga pandemia për të ardhur qytetarët tanë nga diaspora, në Kërçovë pritet që shumë biznese të vogla të falimentojnë.
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit