Këshilla për kujdes ndaj fëmijëve gjatë stinës së verës

(KEYSTONE/Walter Bieri)

Temperaturat e larta mund të shkaktojnë dëme, sidomos te fëmijët, përcjell albinfo.ch.

Dhe për t’i evituar dëmet e mundshme, nga Ministria e Shëndetësisë dhe Mbrojtjes Sociale në Shqipëri kanë dhënë disa këshilla për kujdes ndaj fëmijëve.

Ndër të tjera, ata rekomandojnë që të mos ekspozohen në diell fëmijët deri në moshën gjashtëmujore.

“Kujdes. Mos ekspozoni fëmijët në diell deri në moshën gjashtë muaj; përdorni kapelë me strehë të gjerë për të gjitha moshat; u lagni flokët shpesh, u vini syze dielli me filtra të veçantë mbrojtjeje, të certifikuar me markën CE; përdorni produkte për fëmijë me faktor mbrojtës jo më pak se 20, dhe në javën e parë të ekspozimit në diell përdorni produkte rezistente ndaj ujit dhe djersës me faktor mbrojtës jo më pak se 50; u vishni rroba të gjera prej pambuku ose liri”, rekomandojnë nga MSHMS.