Lajme
Kevin Sekniqi, shqiptari i radhës i përfshirë në renditjen e prestigjiozes Forbes
“Forbes” vlerëson shkodranin Kevin Sekniqin për idenë novatore
Kevin Sekniqi është shqiptari i radhës i përfshirë në renditjen e prestigjiozes Forbes, përcjell albinfo.ch.
Ai është 30 vjeç dhe po konsiderohet si një nga themeluesit e start-up-et më të suksesshme në Amerikë, në fushën e Blockchain (Zinxhirët e Blloqeve), teknologjia që qëndron pas kriptomonedhave si Bitcoin.
Si themelues dhe shefi i teknologjisë në kompaninë “AvaLabs”, prestigjiozja amerikane Forbes e shpalli Sekniqin si liderin më me influencë në fushën e Financës në edicionin e saj “30 më të mirët nën 30 vjeç”.
Shpirti i sipërmarrjes, sipas tij, është i lindur, por qyteti ku kaloi adoleshencën, Shkodra, ia dha lirinë për të ëndërruar
“Kohën në Shkodër me lirinë që kam pasur, për të eksploruar ato që kam pasur qejf të eksploroj, kanë qenë shumë të rëndësishme për zhvillimin tim dhe nuk e ndërroj me asgjë‘, tha për Top Channel Kevin Sekniqi, Bashkë-Themelues AvaLabs.
Me eksperiencën nga pas dhe historinë e suksesit, Sekniqi është gati të hapë portën e mundësive për të gjithë të rinjtë shqiptarë në botën e kriptomonedhave, industri që po njeh zhvillim të vrullshëm.
“Shumë shpesh më vjen keq që shoh se si ai truri i madh i Shqipërisë ikën dhe nuk ka mundësi me investuar për të ardhmen. Njoh persona jashtëzakonisht të talentuar në Shqipëri që janë duke hapur disa start-upe. Është jashtëzakonisht e qartë që talentet më të mira në Shqipëri janë të njëjtin klas dhe kategori me ata në Amerikë. Do doja të kisha qejf që Shqipërinë ta shihja kampione në Ballkan dhe Evropë në teknologji”, deklaroi ai.
Ndërsa pagesat digjitale dhe inteligjencat artificiale po ndryshojnë përditshmërinë për njerëzit kudo në glob, Shqipëria ka mundësinë të bëhet pararojë e zhvillimit, sipas talentit shqiptar
“Mendoj se me start-up-e do mundohem të sjell influencë, kapital për të zhvilluar brezin e ri në fushën teknologjike, por jo vetëm aty, edhe në industri apo shkencë janë nga fushat më të rëndësishme për të zhvilluar shtetin dhe do të kisha shumë dëshira të jepja kontributin tim në këtë pjesë”, tha Kevin Sekniqi, bashkëthemelues AvaLabs.
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Partitë politike në Zvicër me propozime që të frenohet rrjta e kostove shëndetësore Ndërsa votuesit në Zvicër janë të vendosur të peshojnë dy iniciativa që kërkojnë të ulin primet...
-
Rritje e sulmeve me lazer dhe GPS ndaj aeroplanëve zviceranë
-
Liria e shtypit zviceran përkeqësohet pavarësisht rritjes në renditje
-
Kjo linjë ajrore në Zvicër nis destinacione të reja për distanca të gjata
-
Një shqiptaro-zvicerane ambicioze, në Kancelarinë Federale të Zvicrës