Lajme

Kina paralajmëron recesion global

Proteksionizmi mund të provokojë një recesion global, tha kreu i diplomacisë kineze, Wang Yi, në foltoren e OKB-së, duke siguruar se vendi i tij do të qëndronte i vendosur në negociatat tregtare me SHBA-në.

“Tarifat doganore dhe provokimi i mosmarrëveshjeve tregtare, të cilat po prishin lidhjet industriale dhe ato të furnizimit global, minojnë sistemin tregtar shumëpalësh dhe rendin global ekonomik e tregtar”, deklaroi ai.

”Madje, mund ta zhysin botën edhe në recesion”, u shpreh Wang, duke aluduar për politikën tregtare amerikane./atsh