Lajme
Klubi i njohur italian, në garë për Rashicën
Klubi italian e sheh yllin kosovar si pasardhës ideal të Jose Callejonit, i cili pritet të largohet nga “San Paolo”.
Milot Rashica, sipas të gjitha gjasave është duke e kaluar sezonin e fundit në Werder Bremen.
Ylli kosovar është në kërkim të një eksperience të re, pasi shkëlqeu në dy sezonet e fundit në Gjermani.
Kohëve të fundit, interesim për vushtrriasin kanë shfaqur dy klubet angleze, Liverpool dhe Aston Villa.
Mirëpo, e përditshmja italiane “Corriere dello Sport” shkruan se interesim për përfaqësuesin kosovar ka shprehur edhe Napoli.
Klubi nga Serie A e sheh futbollistin ofanziv si zëvendësues ideal të Jose Maria Callejonit.
Rashica mund të luajë në të dy krahët dhe mund t’i kryejë shumë punë Napolit.
Ai i ka zhvilluar 24 ndeshje këtë sezon me Werderin në Bundesligë dhe në Kupën e Gjermanisë.
Miloti i ka realizuar 10 gola dhe i ka dhuruar 5 asistime deri tash këtë edicion.
Sipas “Transfermarkt”, vlera e Rashicës është 35 milionë euro, shkruajnë mediat shqiptare, përcjell albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit