Lajme
Kompania që fiton milionat me refugjatët
Megjithë aktin e saj të transparencës të bërë së fundi, kompania është kritikuar për mos publikimin e numrave deri tash
ORS Service AG është përgjegjëse në Zvicër për mbi 100 qendra azili me gati 90,000 shtretër. Kompania merr pjesën më të madhe të fondeve nga shteti, por shifrat e fitimit nuk ishin transparente për një kohë të gjatë.
Tani, kompania ka bërë publike shifrat në faqen e saj të internetit. Vitin e kaluar, kompania arriti një fitim të përgjithshëm operativ prej 1.3 milion franga zvicerane në Austri, Gjermani dhe Zvicër. Qarkullimi ishte 157.8 milionë. Gati 100 milionë e shitjeve kthehen në Zvicër, përcjell albinfo.ch.
Megjithë aktin e saj të transparencës të bërë së fundi, kompania është kritikuar për mospublikimin e numrave deri tash. Siç shkruan “Aargauer Zeitung”, kompania përmbledh shifrat e biznesit të saj në vetëm 12 rreshta. Kjo nuk është asgjë në krahasim me raportet e zakonshme të biznesit.
“NZZ” raportoi një fitim prej 3 milionë frangash në vitn 2016. Arsyeja e fitimit më të ulët është e thjeshtë: numri i kërkesave për azil ra me dy të tretat në 15 mijë ndërmjet 2015 dhe 2018.
Një zëdhënës i ORS thotë: “Ndërsa akomodimet duhej të porositeshin shpejt dhe profesionalisht në vitin 2015, sot ne po përballemi me sfidën e zvogëlimit të kapaciteteve”.
Në fund të vitit 2017, rreth 1000 njerëz ishin të punësuar në ORS në Zvicër. Ndërkohë, ka vetëm 700.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit