Lajme

Kompanitë zvicerane nxitojnë për të marrë kredi pas vendimit të Qeverisë

Një e treta e 20 miliardë CHF ofruar kompanive të vogla dhe të mesme zvicerane, tashmë është huazuar, sipas RTS

Skema, e krijuar për të ndihmuar kompanitë gjatë mbylljes së koronavirusit, lejon bankat të lëshojnë kredi pa rrezik, të garantuara nga qeveria federale e Zvicrës.

Deri më tani, bankat në të gjithë vendin kanë bërë 30,000 kredi me mesatarisht 207,000 CHF dhe total 6.6 miliardë CHF, përcjell tutje albinfo.ch.

Skema ka dy nivele kredish. Kreditë nën 500,000 CHF janë pa interes dhe 100% të garantuara nga qeveria federale. Huatë midis 500,000 CHF dhe 20,000,000 CHF vijnë me një tarifë interesi prej 0.5% dhe janë të garantuara nga qeveria 85%. Norma e interesit prej 0.5% vlen vetëm për pjesën e garantuar nga qeveria. Bankat vendosin normën për pjesën tjetër.

Asnjë kredi më shumë se 500,000 CHF nuk është marrë deri më tani, sipas Sekretariatit Shtetëror për Çështjet Ekonomike (SECO), përcjell tutje albinfo.ch.

Skema, e cila u krijua më 25 Mars 2020, lejon ndërmarrjet me të ardhura vjetore më pak se 500 milionë CHF të huazojnë shuma deri në 10% të xhiros së tyre.