Kosova

Kosova dhe Shqipëria nënshkruajnë një sërë marrëveshjesh

Bëhet e ditur se përfaqësuesit e ministrive të Qeverisë së Kosovës dhe të Shqipërisë kanë nënshkruar sot në Elbasan marrëveshjet bilaterale pas mbledhjes së përbashkët ndërmjet dy qeverive.

Fillimisht u nënshkrua marrëveshja për zbatimin e lehtësive doganore nga kryeministri Albin Kurti dhe kryeministri i Shqipërisë, Edi Rama.

Më pas u nënshkrua marrëveshja për lehtësimin e procedurave dhe kushteve për marrjen e lejeqëndrimit të përkohshëm, ndërsa u nënshkrua nga ministri i Punëve të Brendshme të Kosovës, Xhelal Sveçla dhe ai i Shqipërisë, Blendi Çuçi.

Po ashtu nënshkrimi i marrëveshjes për rregullat e regjimit të trafikut lokal të kufirit ndërmjet dy qeverive u nënshkrua nga Sveçla dhe Çuçi.

Më pas, po ndërmjet dy ministrave u nënshkrua marrëveshja për hapjen e pikës së përbashkët të kalimit kufitar Shishtavec-Kukës, Krushevë-Dragash.

Kryeministri i Shqipërisë, Edi Rama, në fjalën e tij në mbledhjen e përbashkët të dy qeverive Kosovë-Shqipëri deklaroi se kanë rënë dakord për abetare të unifikuar.

Ai tha se synojnë që vitin tjetër abetarja e unifikuar të jetë e gatshme.


LAJME INTERESANTE NGA INTERNETI