Futboll
Kosova me dy risi
Idriz Voca dhe Edon Zhegerova bëjnë pjesë në listën e të grumbulluarve të trajnerit të ri Bernard Challandes,
Kosova në këtë muaj do të zhvillojë dy ndeshje miqësore, dhe për këto dy ndeshje pritet të debutojë dy futbollistë, Idriz Voca dhe Edon Zhegerova. Mesfushori i Luzern dhe ai Genk bëjnë pjesë në listën e të grumbulluarve të trajnerit të ri Bernard Challandes, duke iu referuar lajmeve që shkruajnë mediat kosovare, pasi zyrtarisht trajneri zviceran nuk i ka bërë publikë emrat për dy takimet e radhës, ndaj Madagaskarit më 24 mars dhe Burkina Fasos, 3 ditë më pas, sfida këto që do të luhen në Paris të Francës, përcjell albinfo.ch.
Sa i përket lojtarëve tjera nuk ka shumë ndryshime. Në portë përveç kapitenit Samir Ujkani, Challandes ka ftuar edhe Bledar Hajdinin dhe Faton Malokun, dy portierë që aktivizohen në Kosovë.
Në mbrojtje priten të ftohen Rrahmani, Kollolli, Vojvoda, Paqarada, Dallku, Aliti dhe Lirim Kastrati.
Në mesfushë përveç dy risive Voca dhe Zhegerova janë grumbulluar edhe Herolind Shala, Valon Berisha, Bernard Berisha, Hekuran Kryeziu, Milot Rashica, Besar Halimi, Bersant Celina dhe Arbër Zeneli.
Ndërkohë peshën e sulmit në këto dy sfida do ta mbajnë Vedat Muriqi, Atdhe Nuhiu dhe Elbasan Rashani.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit