Kosova

Kosova fiton dy Medalje të Arta në Olimpiadën Matematike

Ekipi i Kosovës është radhitur në vendin e 18-të nga 100 ekipe pjesëmarrëse në IMC 2022

Kosova ka fituar dy medalje të arta dhe një medalje të argjendtë në Olimpiadën Matematike për Studentë Ndërkombëtarë për Studentë Universitarë – IMC 2022.

Lajmin e ka bërë të ditur Shoqata e Matematikanëve të Kosovës me anë të një postimi në Facebook.

Arben Ajredini dhe Duart Nishefci kanë fituar Çmime të Para (Medalje të Arta) ndërsa Andi Sejdiu ka fituar Çmim të Dytë (Medalje të Argjendtë). Arben Ajredini dhe Duart Nishefci para pak ditësh kanë baruar studimet themelore, me sukses të lartë, në drejtimin matematikë, në Universitetin e Prishtinës ndërsa Andi Sejdiu vijon studimet në vitin e tretë, në drejtimin matematikë, në Universitetin e Prishtinës”, thuhet në njoftim, transmeton Albinfo.ch.

IMC është ndër garat më të rëndësishme botërore të matematikës për studentë universitarë, në të cilën marrin pjesë studentë nga universitete prestigjioze nga të gjitha anët e botës.


LAJME INTERESANTE NGA INTERNETI