CH-Ballkani
Kosova: Liria dhe paqja, kushtet për një qeverisje të mirë!
Vërtet, shpresat më të çmendura të pavarësisë i përcolli realiteti i ashpër i përditshmërisë, por të mos harrojmë atë që është thelbësore: fitorja e lirisë
Në vitin 2008 unë kam marrë pjesë, së bashku me komunitetin shqiptar në qytetin tim, Fully, në ceremoninë televizive të shpalljes së pavarësisë së Kosovës nga Kuvendi i Kosovës në Prishtinë.
Kam qenë i befasuar nga dinjiteti me të cilin ky moment kaq i pritur u përjetua. Asnjë shpërthim gëzimi i zhurmshëm, asnjë ekzaltim i pasionuar, por vetëpërmbajtje dhe një formë e solemnitetit, më ndërgjegjësim të qartë se po ndanin një moment historik.
Vjen pas kaq shumë poshtërimesh dhe padrejtësish shpallja e sovranitetit, e cila nuk ishte një hakmarrje për një fat të vuajtjes, por një premtim për të ardhmen dhe fuqizimin kolektiv.
Nuk do të ishte keq që sot të bëhej ironi në lidhje me këtë moment themelues, duke theksuar se Kosova mbetet akoma e përkulur nën pafuqinë publike, vështirësitë ekonomike dhe tensionet sociale.
Vërtet, shpresat më të çmendura të pavarësisë i përcolli realiteti i ashpër i përditshmërisë, por të mos harrojmë atë që është thelbësore: fitorja e lirisë.
Disa do të më përgënjeshtrojnë: çfarë na duhet liria kur nuk ka punë, kur nuk ke shtëpi dhe kur çdo ditë lufton për kafshatë të bukës, kur nuk merr asnjë ndihmë për kujdesin shëndetësor dhe vuan nga sëmundje të ndryshme? Por, edhe në qoftë se unë e di se sot përgjigjet që jepen nuk janë të kënaqshme, unë guxoj të besoj në një evoluim të shoqërisë civile dhe të një qeverisje të mirë të shtetit.
Nga një demokraci e gjallë dhe nga një fuqi e hapur do të lindin zgjidhjet dhe reformat, dhe këtë, me nevojën për të konsoliduar paqen në rajon, pavarësisht nga pakënaqësitë dhe zhgënjimet. Sepse vetëm zbutja e shpirtrave do të mund të garantojë përparim dhe harmoni.
Kosova do të jetë ajo që njerëzit e saj e duan të jetë. Mbi të gjitha, ajo do të mbështetet në forcën dhe vendosmërinë e saj. Por miqtë e saj të huaj duhet të tregohen të hapur gjithnjë e më shumë, duke i siguruar asaj mbështetje të fortë dhe vëmendje të vazhdueshme.
Për këtë përvjetor, më lejoni t’i shpreh popullit të Kosovës dhe të kombit shqiptar ndjenjat e mia më vëllazërore dhe më republikane.
(Autori është avokat dhe nënkryetar i albinfo.ch)
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë