Kosovë: Testi PRC negativ dhe karantinimi nuk vlen për Zvicrën

Testi PRC negativ dhe karantinimi nuk është i nevojshëm për shtetin e Zvicrës, pasiqë nuk bën pjesë në listën e shteteve me rrezikshmëri për Kosovën

Shtetet, të cilat aktualisht Republika e Kosovës i konsideron me rrezikshmëri të lartë të infektimit me Covid 19, ende vazhdojnë të jenë pjesë e listës prej 24 shteteve.

Zvicra nuk është në listën e shteteve që përbën rrezikshmëri për Kosovën, andaj rrjedhimisht testi PRC Negativ dhe karantinimi nuk vlen për banorët zviceranë, shkruan albinfo.ch.

Mbrëmë Qeveria e Kosovës ka marrë vendim që në rast të mosparaqitjes së dëshmisë së testit negativ, shtetasit e huaj obligohen të vetizolohen për 7 ditë.

“Shtetasit e huaj, të cilët e kanë të rregulluar lejeqëndrimin e përkohshëm ose të përhershëm në RKS, gjatë hyrjes në RKS duhet të paraqesin vërtetim për test RT-PCR negativ, të bërë më së largu 72 orë para hyrjes në RKS”, thuhet në vendim.

Pjesë e kësaj liste tashmë është Gjermania, Danimarka, Qipro, Sllovakia, Spanja, Franca, Italia, Britania e Madhe, Holanda, Rumania, Belgjikë, Çekia, Austria, Irlanda, Hungaria, Luksemburgu, Islanda, Sllovenia, Malta, Polonia, Kroacia, Lihtershtajni, Portugalia dhe Bullgaria, shkruan albinfo.ch.

Andaj duhet theksuar se të gjithë qytetarët që jetojnë në shtetet e lartpërmenduara për të hyrë në Republikën e Kosovës duhet të posedojnë testin PCR negativ, jo më të vjetër se 72 orë ose duhet të qendrojnë 7 ditë në vetizolim.

Ndërkohë para çdo nisje, ju lutemi verifikoni lajmet e fundit tek autoritetet përkatëse! /Albinfo.ch

 

---