Kosova
FSK-ja rrezikon të humbasë 12 milionë euro nga ushtria amerikane, shkaku i taksës
Që nga krijimi i Forcës së Sigurisë së Kosovës, 10 vjet më parë, marrëdhënia e saj me ushtrinë amerikane është vënë në pikëpyetje për herë të parë.
Megjithëkëtë, mospajtimet nuk kanë të bëjnë direkt me ushtrinë, por shkaku i vendimit politik të Qeverisë së Kosovës, atij të taksës ndaj prodhimeve të Serbisë.
Komandanti i FSK-së ka rrëfyer për Kohavisionin anulimin e vizitës së komandantit të Gardës Kombëtare të Iowas, gjeneral major Timothy Orr, e paraparë të ndodhte në 11-vjetorin e shtetësisë, raporton KTV, përcjell albinfo.ch.
Ai ka treguar se iu tha troç se gjenerali Orr nuk do të vijë si shenjë proteste ndaj qëndrimit të Qeverisë rreth taksës, informatë të cilën komandanti i FSK-së ia dha edhe kryeministrit të Kosovës.
Por, kryeministri Ramush Haradinaj ka mohuar të jetë në dijeni për anulimin e vizitës.
Rreth 12 milionë euro është vlera e veturave ushtarake Humvee, donacioni që FSK-ja pritej ta merrte nga ushtria amerikane në mesin e këtij viti.
Ky fakt e ka shqetësuar gjeneralin e FSK-së, i cili pavarësisht që ka thënë se nuk do të donte të bënte deklarime politike, e frikëson ngrirja e marrëdhënieve me aleatin kryesor të ushtrisë së Kosovës.
Ndërkaq, komandanti i FSK-së ka konfirmuar për KTV-në se është suspenduar 25-vjeçari M.S., nga Parteshi, pjesëtar serb i FSK-së, i cili dyshohet se tentoi të dhunonte një të mitur.
Shtylla e parë e Forcës, Ministria e Mbrojtjes, tashmë ka nisur procesin e transformimit dhe paralelisht me të është duke u punuar për krijimin e Shtabit të Përgjithshëm të Ushtrisë.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Në këto aeroporte mbahen greva gjatë prillit dhe majit Grevat nuk janë të rralla në Evropë. Për shkak se punëtorët po luftojnë për kushte më...
-
Vdes ushtari zviceran nga të shtënat, gjatë ushtrimeve në kazermë
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore
-
Studim: Mirëqenia në Zvicër është rritur ndjeshëm në 30 vjetët e fundit