Kosova shpreson në rezultat pozitiv kundër Malit të Zi

Kombëtarja e Kosovës ka mbajtur stërvitjen e fundit në stadiumin e Prishtinës “Fadil Vokrri”, para ndeshjes kualifikuese për “Euro 2020” ndaj Malit të Zi.
Në stërvitjen e mëngjesit të pranishëm ishin të gjithë futbollistët, të cilët janë ftuar nga përzgjedhësi Bernard Challandes, transmeton albinfo.ch.
Trajneri zviceran, në këtë stërvitje, u fokusua në fazën e mbrojtjes, duke aplikuar edhe disa skema nga krahët.
Kapiteni i Kosovës, Samir Ujkani, shpreson që atmosfera e mirë që është krijuar brenda, të shfrytëzohet për t’i arritur edhe rezultatet pozitive.

Optimist para kësaj ndeshje është shprehur edhe qendërmbrojtësi Fidan Aliti, që thotë se synojnë vetëm fitoren në këtë përballje.

Kosova, stërvitjen e fundit do ta zhvillojë të enjten në mbrëmje, në Podgoricë të Malit të Zi.