Tematike
Kosovari, i njohur si “ambasadori” akuzohet për falsifikim pasaportash
Shefqet H. sipas prokurorisë, u ka mundësuar klientëve që paguanin, të hyjnë në Gjermani ose të qëndrojnë në Republikën Federale për periudha shumë më të gjata
Një shtetas kosovar i moshës 65 vjeçare akuzohet se ka falsifikuar vulat e pasaportave për njerëz nga qarqet e tregtisë me drogë. Ai akuzohet po ashtu se ka sjellë njerëz në Gjermani ilegalisht për vite me radhë, shkruan haz.de.
Prokurori publik i Hanoverit kërkon ta sjellë Shefqet H. alias “ambasadorin” në gjykatë.
Shefqet H., si i pandehur kryesor është arrestuar në Schneverdingen në fund të qershorit 2020, transmeton albinfo.ch. Gjatë kontrollit në shtëpinë e tij, policia federale pati zbuluar punëtorinë e falsifikimit të 65-vjeçarit.
Shefqet H. sipas prokurorisë, u ka mundësuar klientëve që paguanin, të hyjnë në Gjermani ose të qëndrojnë në Republikën Federale për periudha shumë më të gjata. Shumë prej tyre, duket se janë nga kryeqyteti i landit dhe zona përreth e Hanoverit.
Sipas zëdhënësit të gjykatës së qarkut, kosovari i akuzuar ka “përdorur një vulë të kontrollit të pasaportës të punuar profesionalisht”.
Kryesisht shqiptarët kanë qenë ata që kanë shfrytëzuar shërbimet e tij, përcjell albinfo.ch. 65-vjeçarin madhe e quanin “Ambasador” në qarqet përkatëse.
Zyra e prokurorit publik e ngarkon H. me 22 akte kundërligjore. Sipas zyrës ai ishte aktiv nga viti 2017 deri në arrestimin e tij gjashtë muaj më parë.
Sipas aktakuzës, 65-vjeçari ka fituar 23,000 euro, çmimet për vulat fillonin nga 500 euro.
Të bashkëpandehurit Hagen W. (57) dhe Marco K. (48) akuzohen se kanë ndihmuar 65-vjeçarin në vitin 2019 për të hartuar dhe krijuar shabllone.
Shefqet U., është zbuluar vetëm pasi inspektorët në një moment zbuluan se vulat e pasportave ishin të vjetruara: “Disa nga këto nuk përdoren më nga autoritetet e vërteta”.
Hetimet e mëtejshme, në kuadër të operacionit të gjerë, përfundimisht çuan te 65-vjeçari që po drejtonte një punëtori falsifikimi Schneverdingen Heidekreis, transmeton albinfo.ch. Gjatë kontrollit, policia federale u ndesh me vula, dokumente regjistrimi automjetesh dhe dokumente të tjera të zbrazëta.
Data e gjykimit për “ambasadorin” dhe bashkëpunëtorët e tij në gjykatën rajonale nuk është caktuar ende.
Të ngjashme
Të tjera nga Tematike
E-Diaspora
-
Kurti takon deputetin shqiptar të Parlamentit të Zvicrës Mësohet se kryeministri i Republikës së Kosovës, Albin Kurti, ka pritur në takim deputetin e Këshillit...
-
Kori i Filharmonisë së Kosovës do të përformojë me një program të mrekullueshëm në Itali
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
Jeta në Zvicër
-
SBB do të drejtojë 49 trena shtesë për në Ticino në fundjavën e Pashkëve Për festën e Pashkëve, kantoni më jugor i Zvicrës përjeton zakonisht një fluks udhëtarësh nga zona...
-
Ka rënë përdorimi i parave të gatshme në Zvicër
-
Studimi më i madh rreth kanabisit në Zvicër fillon në Cyrih
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes