Kosovë: Ish-zyrtarja e OSBE-së dënohet me 6 vjet burim për spiunazh

@pixabay

Gjykata Themelore në Prishtinë ka shpallur fajtore ish-zyrtaren e OSBE-së, Jelena Gjukanoviq, për veprën penale të spiunazhit.

Për këtë vepër, Gjukanoviq është dënuar me 6 vjet burgim, pasi është shpallur fajtore për bashkëpunim me shërbimin sekret serb BIA, duke përcjellë informacione të ndjeshme që lidhen me sigurinë dhe institucionet e Kosovës.

Leximin e aktgjykimit e bëri Rrahman Beqiri,  në praninë e prokurorit special dhe vetë të akuzuarës Jelena Gjukanoviq.

“E akuzuara Jelena Gjukanoviq shpallet fajtore për shkak të veprës penale “spiunazhi” andaj gjykata bazuar në dispozitat e Kodit Penal dhe Kodit të Procedurës Penale e gjykon: dënim me burgim në kohëzgjatje prej 6 vjetëve I cili dënim do të ekzekutohet në afat prej 15 ditëve nga dita e plotfuqishmërisë së këtij aktgjykimi”, tha kryetari i turpit gjykues, Rrahman Beqiri.

Sipas tij, në dënimin e shqiptuar me burg do t’i llogaritet edhe koha e kaluar në paraburgim nga 28 shkurti i vitit të kaluar.