Kosova

Kosovë: Nesër qytetarët mund të vaksinohen në sheshin “Zahir Pajaziti”

Të gjithë të interesuarit për vaksinim kundër COVID-19, mund të vaksinohen nga ekipet mobile të vaksinimit në sheshin “Zahir Pajaziti” në Prishtinë këtë premte.

Kështu ka njoftuar Ministria e Shëndetësisë, e cila ka thënë se një ekip mobil për vaksinim do të vendoset në sheshin “Zahir Pajaziti” në Prishtinë, transmeton Zeri.info.

“Ministria e Shëndetësisë i njofton qytetarët se ditën e premte, nga ora 10:00-17:30, të gjithë të interesuarit për vaksinim kundër COVID-19, mund të vaksinohen nga ekipet mobile të vaksinimit në sheshin “Zahir Pajaziti” në Prishtinë. Ministria u bën thirrje qytetarëve që të shfrytëzojnë edhe këtë mundësi shtesë për t’u vaksinuar kundër COVID-19, si rrugën më të sigurt për parandalimin e infektimit nga COVID-19”, thuhet në njoftimin e MSH-së.

MSH-ja ka paralajmëruar se një praktikë e këtillë do të fillojë së shpejti edhe në komuna të tjera të Kosovës.