Lajme

Kosovë: Pesë raste të reja me koronavirus, tre të shëruar

Pesë raste të reja me koronavirus janë shënuar sot në Kosovë, ndërkaq tre persona janë konfirmuar të shëruar. Kështu ka bërë të ditur Instituti Kombëtar i Shëndetësisë Publike.

E enjte, 4 Qershor 2020 - 19:30 albinfo.ch
(Photo by Miguel MEDINA / AFP)

Sipas njoftimit sot janë marrë 294 mostra nga Klinika Infektive dhe gjurmimi i kontakteve të rasteve në terren.

“Rastet pozitive janë raste kontakti nga: komuna e Fushë Kosovës 2 raste (sipas vendbanimit: 2 raste Fushë Kosovë), komuna e Vushtrrisë 1 rast (sipas vendbanimit:1 rast Oshlan), komuna e Prizrenit 1 rast (sipas vendbanimit:1 rast Tupec) dhe 1 rast me vendbanim në Prishtinë”, thuhet në njoftim, përcjell albinfo.ch

Ndërkaq njoftohet se sot janë shëruar 3 pacientë derisa numri i përgjithshëm i të shëruarve deri më sot është gjithsej 874 raste.

“Nga data 08 shkurt deri më 04 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 15.880 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.147 raste, me gjithsej 30 raste të vdekjes të cilët kanë pasur sëmundje të tjera shoqëruese”, thuhet tutje në njoftim.

 Të ngjashme

Pajtimi pas luftës – një rrugëtim i gjatë dhe i mundimshem

 Të tjera nga Lajme

A mund të marr përfitime papunësie në Austri nëse jam i vetëpunësuar?

 E-Diaspora

 Jeta në Zvicër