Kosovë: Punësimet partiake, studentët protestojnë para MASHT-it

Përfaqësues të universiteteve publike kanë akuzuar ministrin e Arsimit, Shyqeri Bytyqi për punësime në baza partiake. 

Në një aksion simbolik para ndërtesës së MASHT-it studentët kanë thënë se ndërhyrjet politike në arsimin e lartë të ministrit Bytyqi janë të papranueshme dhe shqetësuese për të gjithë studentët. 

Milot Krasniqi, kryetar i Parlamentit Studentor të Universitetit të Prizrenit, ka thënë se gjendja në arsim po rëndohet çdo ditë e më shumë. Sipas tij, për t’u pranuar në ndonjë konkurs të MASHT-it, duhet të kesh librezë të NISMA-s. 

Ata i kanë bërë thirrje Kryeministri Haradinaj të kërkojë përgjegjësi nga ministri Bytyqi dhe të merr masa për të gjitha skandalet që kanë ndodhur në këtë institucion që prej ardhjes së ministrit në këtë detyrë.