Shqipëria

Kryemadhi e quan 2018-ën si vit të dështimeve e protestave

Kryetarja e Lëvizjes Socialiste për Integrim, Monika Kryemadhi, e ka shfrytëzuar konferencën e fundvitit për të vazhduar kritikat ndaj kryeministrit Edi Rama.

Ajo tha se viti 2018 ka pasur vetëm dështime për qeverinë.

“Së bashku humbëm një vit drejt hapjes së negociatave për shkak të arrogancës. Humbëm një vit për shkak të korrupsionit dhe kapjes së qeverisë. Sigurisht që viti 2018 do të mbahet mend si viti i protestave që nisi me protestën e opozitës dhe vazhdoi më tutje me protestën e naftëtarëve, me protestën e minatorëve, të biznesit të vogël. Protesta e studentëve solli shpresën e shqiptarëve. Dhe, ky vit përmbyllet me protestën e diasporës, për t’i kthyer dinjitetin popullit të tyre. 2018 do të mbahet mend si viti i varfërisë që u shtrëngon rripin të varfërve dhe u liron të pasurve”, theksoi Kryemadhi.