Kosova

Kryetari i LDK-së: Mund ta propozojmë edhe Vjosa Osmanin, nëse na i garantoni 66 vota për të

E shtunë, 25 Prill 2026 - 16:30 albinfo.ch
Foto FB: Lumir Abdixhiku

Kryetari i Lidhjes Demokratike të Kosovës, Lumir Abdixhiku, ka reaguar pasi sot Lëvizja Vetëvendosje përmes një njoftimi, ka kërkuar nga PDK-ja dhe LDK-ja propozimin e tre emrave për postin e presidentit.

Abdixhiku përmes një postimi në rrjetin social “Facebook” ka deklaruar se Vjosa Osmani mund të jetë propozimi i subjektit që ai drejton.

“I nderuar Kryeministër Kurti, meqë po komunikojmë në distancë, ju lutem përcaktohuni a doni marrëveshje politike me LDK-në, apo i doni 90 vota edhe me PDK-në. Nëse është kjo e dyta dhe nuk mundeni pa ta, atëherë nuk mund t’ju ndihmojmë. Kur të merreni vesh, e trajtojmë. Por, nëse doni marrëveshje politike me LDK-në, atëherë flisni me ne. Presidentin e propozojmë ne me plot pergjegjësi. Mund ta propozojmë edhe Vjosa Osmanin, nëse na i garantoni 66 vota për të”, ka shkruar ai, transmeton albinfo.ch.

 Të tjera nga Kosova

A i plotëson Vjosa Osmani kriteret për presidente?

 E-Diaspora

 Jeta në Zvicër