Kosova

Kurti, i gatshëm të ndihmojë opozitën kosovare për të shkuar në zgjedhje 

E enjte, 21 Mars 2024 - 23:28 albinfo.ch

Kryeministri i Kosovës, Albin Kurti, në intervistën për RTK ka folur edhe mundësinë e mbajtjes së zgjedhjeve të parakohshme. Kurti ka thënë se nuk mund të shkojë në zgjedhje pa opozitën.

Sipas tij, aktgjykimi i Gjykatës Kushtetuese nga viti 2020 ka treguar që për shpërndarje të Kuvendit duhen dy të tretat dhe nuk ka mundësi tjetër që automatikisht të shkohet në zgjedhje.

Kryeministri Kurti ka premtuar se do ta ndihmojë opozitën për të shkuar në zgjedhje.

“Unë po them që shkojmë në zgjedhje kur të dojë opozita. Ne e ndihmojmë opozitën nëse dëshiron që të shkojë në zgjedhje, pa problem”, ka theksuar ai.

Kreu i ekzekutivit ka deklaruar se është gjithmonë gati për zgjedhje.

 

 Të tjera nga Kosova

Kosova po plaket, mosha mesatare e popullsisë pritet të arrijë 49 vjeç deri në vitin 2060

 E-Diaspora

 Jeta në Zvicër