Kosova

Kurti ngushëllon Turqinë për viktimat e tërmetit

Kurti: Kosova e gatshme të ndihmojë

Kryeministri i Kosovës, Albin Kurti, ka shprehur ngushëllime për familjarët e të vdekurve pas tërmetit që ka goditur sot Turqinë dhe Sirinë, përcjell albinfo.ch.

Kurti ka deklaruar se Kosova është e gatshme të ndihmojë në momente të vështira.

“Në vazhdën e tërmetit shkatërrues të mëngjesit të sotëm, shpreh ngushëllimet e mia të përzemërta për popullin e Turqisë dhe Sirisë, për familjet e viktimave dhe për ata që mbetën papritmas pa shtëpi. Republika e Kosovës është e gatshme të ndihmojë në këtë moment të vështirë”, ka shkruar ai në Twitter.