Kosova
Kurti: Unë kryeministër, ose shkojmë në zgjedhje të reja
Në lidhje me Vjosa Osmanin, Kurti shprehu vlerësimet e tij
Fituesi i zgjedhjeve të parakohshme të 6 tetorit në Kosovë, Albin Kurti, tha se sheh vetëm LDK-në si pjesë të koalicionit për të formuar qeverinë dhe nëse kjo marrëveshje nuk arrihet, atëherë do të ketë zgjedhje të tjera. Albin Kurti, i ftuar në emisionin “Real Story” të gazetarit Sokol Balla në News 24, tha se Kryeministër do të jetë ai dhe në qeveri Vetëvendosja, ose vendi do të hyjë sërish në zgjedhje.
“Është destin yni që ne të qeverisim bashkë me LDK-në. Nuk ka mundësi tjetër. Ose Vetëvendosje në Qeveri dhe unë Kryeministër i ri, ose zgjedhje të parakohshme. Unë nuk kam frikë nga zgjedhjet”, tha Kurti, i cili shtoi se ka një bashkëpunim shumë të mirë me LDK-në, e ka pasur që në opozitë dhe shpreson që ta reflektojë edhe në qeverisje. Ai shpreson se do të bëjnë një harmonizim të programeve të tyre për të formuar një koalicion të mirë qeverisës.
Në lidhje me Vjosa Osmanin, Kurti shprehu vlerësimet e tij, por tha se ende nuk është arritur një dakordësi për ndarjen e posteve qeverisëse.
“Kandidatura dhe fushata e Vjosa Osmanit i ka inkurajuar shumë vajza që të merren me politikë. E falenderoj për këtë dhe dua të bashkëpunoj me të në çdo kapacitet që ajo dëshiron. Nuk kemi ende një harmonizim të programeve për të ndarë dhe detyrat e posteve qeverisëse. Me LDK-në deri më tani kemi dakordësuar që të kemi 12 ministri, që të kemi vetëm një ministër serb dhe që të kemi 30% gra”, tha Kurti, përcjell Albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’