Ky është shteti me normën më të ulët të papunësisë në BE

Shkalla e papunësisë brenda zonës ishte 7.7 në muajin mars të këtij viti, derisa në mars të vitit të kaluar shifra ishte 8.5 %, kurse më 2011 ishte 7.8 %, raporton “Eurostat”.

Kjo është shkalla më e ulët e papunësisë në eurozonë, e regjistruar që nga shtatori i vitit 2008. Duke marrë parasysh shtetet e BE-së, norma e papunësisë ishte 6.4 % në muajin mars, për dallim nga 6.5 % në shkurt të këtij viti, përcjell albinfo.ch.

Eurostat vlerëson se 15.907 milionë burra dhe gra në BE, prej të cilëve 12.630 milionë zonën e euros, ishin të papunë në mars të vitit 2019. Krahasuar me shkurtin e vitit 2011, numri i personave të papunë është ulur me 172000 në BE dhe me 174000 në zonën e euros. Krahasuar me marsin e vitit 2011, papunësia ra me 1.430 milionë në BE dhe me 1.172 milionë euro në eurozonë, përcjell tutje albinfo.ch.

Në shtetet anëtare të BE-së, normat më të ulëta të papunësisë në mars 2019 janë regjistruar në Çeki (1.9%), Gjermani (3.2%) dhe Holandë (3.3%). Normat më të larta të papunësisë janë vërejtur në Greqi (18.5% në janar 2019), Spanjë (14.0%) dhe Itali (10.2%).