Kosova
LDK ngre kallëzim penal ndaj faqes që shpërndan lajme të rreme
LDK U ka bërë thirrje Prokurorisë, Policisë dhe institucioneve të tjera që ta hetojnë dukurinë e lajmeve të rreme
Lidhja Demokratike e Kosovës ka paraqitur kallëzim penal në Policinë e Kosovës për lajmet e rreme, të cilat po qarkullojnë kundër kandidates së kësaj partie, Vjosa Osmanit. E ky kallëzim penal ka të bëjë me një faqe, e cila e mbështet Lëvizjen Vetëvendosje.
Sipas njoftimit, kjo faqe ka shpifur në internet, duke pretenduar se LDK po i paguan me nga 10 euro pjesëmarrësit në tubimet elektorale të partisë.
LDK u ka bërë thirrje Prokurorisë, Policisë dhe institucioneve të tjera që ta hetojnë dukurinë e lajmeve të rreme dhe denigruese.
Njoftimi i plotë:
Lidhja Demokratike e Kosovës ka paraqitur kallëzim penal në Policinë e Kosovës, për lajmet e rreme me të cilat po sulmohen lidershipi i partisë dhe kandidatja për kryeministre, Vjosa Osmani.
Lidhja Demokratike e Kosovës ka kërkuar nga Policia që në bashkëpunim me Prokurorinë të identifikojë dhe të dërgojë para drejtësisë ata që po përhapin lajme të rreme kundër kandidates për kryeministre, Vjosa Osmani.
Një ditë më parë, një faqe në Facebook, e cila mbështetë Lëvizjen Vetëvendosje, ka shpifur se gjoja LDK dhe Vjosa Osmani po paguan nga 10 euro pjesëmarrësit nëpër tubimet elektorale të LDK-së.
Kundër kësaj shpifje të ulët, LDK-ja i ka dëshmitarë dhjetëra mijëra anëtarë, përkrahës dhe qytetarë, të cilët kanë marrë pjesë në tubimet tona, me dëshirë dhe vullnetin e tyre të lirë.
LDK i bën thirrje Prokurorisë, Policisë dhe institucioneve tjera ligjzbatuese, që të hetojnë dukurinë e lajmeve të rreme dhe denigruese, pasi që kjo dukuri përbën vepër penale dhe është shkelje e rëndë e rregullave të procesit zgjedhor.
LDK u bën thirrje vëzhguesve vendorë dhe ndërkombëtarë të zgjedhjeve, si dhe ambasadave të vendeve mike, që të përdorin ndikimin e tyre për ndërprerjen e këtyre dukurive të ulëta që dëmtojnë procesin zgjedhor.
LDK i garanton të gjithë qytetarët se vota e tyre e lirë në zgjedhjet e 6 tetorit është e garantuar, prandaj kërkojmë konsistencë për përkrahjen e programit dhe kandidates tonë, Vjosa Osmani.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit