Tematike

Lëvizje për një jetë të shëndetshme

Në pleqëri, lëvizja e rregullt është e rëndësishme. Pa lëvizje fuqia e muskujve në pleqëri humb më shpejt. Shtohen shumë sëmundje. Nuk është kurrë vonë për të filluar me lëvizje

Sot shumë njerëz lëvizin pak. Për në punë dhe për të bërë pazarin, ne e marrim veturën. Ngjitemi me ashensor. Qëndrojmë pranë dritares. Qëndrojmë gjatë ulur. E në pleqëri, lëvizja e rregullt është e rëndësishme. Pa lëvizje fuqia e muskujve në pleqëri humb më shpejt. Shtohen shumë sëmundje. Nuk është kurrë vonë për të filluar me lëvizje.

Ndikimi i mirë i lëvizjes

Lëvizja ka ndikim pozitiv për shëndetin.

Diabeti, sëmundja e sheqerit: Nëpërmjet lëvizjes rritet harxhimi i energjisë. Pakësohet sheqeri në gjak. Metabolizmi është më i mirë.

Zemra dhe qarkullimi: Lëvizja e pakët e shton rrezikun e infarktit të zemrës. Me lëvizje të qëndrueshme, bie presioni i gjakut.

Depresioni, sëmundja mendore, mërzia e madhe: Lëvizja të bën të lumtur. Shpërben simptomet e stresit. Stimulon shpërndarjen e hormoneve të lumturisë. Shtendosja pas një lodhjeje është më e lehtë.

Reuma, sëmundja e dellit, e muskujve dhe e nyjave me dhimbje të shumta: Për reumën është sidomos e rëndësishme të lëvizësh shpesh dhe si duhet. Lëvizja i mban nyjat të buta dhe elastike. Muskujt e fortë ua pakësojnë barrën eshtrave dhe dellit.

Alte Menschen im Alltag

Artroza, harxhimi i kërces në nyja: Gjatë lëvizjes pompohet ai lëngu i rëndësishëm nga kërcja. Ai i ushqen nyjat dhe i vajis ato. Një gjysmë ore para lëvizjes mund të marrësh një bar kundër dhimbjes.

Osteoporoza, shpërbërja e qelizave të eshtrave: Lëvizja e rregullt e nxit shkëmbimin e materieve në eshtra. Eshtrat e forta nuk thyhen lehtë.

Ta përfshish lëvizjen në përditshmëri

Për shembull, të shkosh përditë të blesh në këmbë, t’i marrësh rrugët më të gjata, t’i përdorësh shkallët, jo ashensorin, të bartësh ngarkesa, por duke e kursyer kurrizin, të planifikosh tri herë në javë stërvitje, gjithnjë në të njëjtën ditë dhe kohë.

Kaq lëvizje na duhet

Lëvizni e pakta dy orë e gjysmë në javë. Aktivitete ditore dhe stërvitje për dhjetë minuta pandërprerë, një gjysmë ore në ditë. Të ngelni sado pak pa frymë.

Lëvizje të llojeve të ndryshme

Lëvizja e forcon trupin në mënyrë të shumëllojshme. Fuqia na duhet për shembull për t’i bartur qeset e pazarit. Baraspesha dhe bashkërenditja janë të rëndësishme për t’i shmangur rrëzimet. Këmbëngulje kërkohet për t’u ngjitur shkallëve. Lëvizshmëria ndihmon për t’i veshur këpucët. Me stërvitje të ndryshme, ju mund t’i ushtroni të gjitha këto.

Këtë duhet patur parasysh

Para se të bëni stërvitje, ju këshillojmë një kontroll te mjeku i shtëpisë. Në rast se merrni barna, pyetni se çfarë duhet të kini parasysh. Lëvizja duhet të të krijojë kënaqësi. Filloni ngadalë me lëvizjen. Njëherë rriteni numrin e stërvitjeve lëvizëse. Vetëm atëherë edhe shpeshtësinë dhe intensitetin e stërvitjeve.

Oferta të ndryshme për lëvizje

Faqe të internetit: www.swissheart.ch/nc/de/news-anlaesse/news.html#7/21/0/0/

www.rheumaliga-shop.ch/ (Broshura me udhëzime për lëvizje)

www.prosenectute.ch/de/dienstleistungen/freizeit/bewegung-und-sport.html (Video)

Oferta lokale për lëvizje: nga Pro Senectute, Turnverein, Caritas, etj.

T’i shmangni rrëzimet

Çdo njeri me 65 e më tepër vjet rrëzohet e pakta një herë në vit.

Arsyet mund të jenë: duke u zgjuar natën, pa e ndezur dritën / nëpër tepihë, kabllo, ngatërrimi nëpër gjësendet që qëndrojnë vërdallë / baraspeshimi i keq / forca e pakët muskulare / vështirësitë me shikimin / mbathjet e papërshtatshme. Shumica e rrëzimeve ndodhin në dhomën e ndenjës, apo në dhomën e gjumit.

Çfarë mund të bëhet:

Tepihët të bëhen të parrëshqitshëm me një shtrojë mbrojtëse nga shkarja përfundi.

Të fiksohen skajet me shirit ngjitës përposh.

Te shkallët të përdoren shinat e parmakëve në mënyrë konsekuente.

Të fshihen menjëherë lëngjet e derdhura.

Të mbathen papuçe të qëndrueshme, të rrafshta. Të mos ecet me çorape.

Në vaskë dhe në dush të shtrohen qilimë për të mos rrëshqitur. Akoma më mirë të ngjiten në dysheme shirita që mbrojnë nga shkarja (Rheuma-Liga).

Të montohen doreza për t’u mbajtur në banjo (Rheuma-Liga).

Të montohen në lampa poçe LED me dritë të verdhë. Jo poçe kursyese. Në dhomën e gjumit eventualisht të tilla me sensor lëvizjeje.

Ku gjenden mjetet ndihmëse:

Hilfsmittel-Stelle, Sanitäts-Haus, Rheuma-Liga Hilfsmittel, Fach-Stelle für Seh-Behinderte, Suva

Parandalimi i rrëzimeve: Përshini shumë lëvizje në përditshmëri. Bëni stërvitje lëvizëse në shtëpi. Ndiqeni ndonjë trajnim kundër rrëzimeve.

Përshtatni syzet dhe mbathni këpucë që u qëndrojnë mirë dhe që janë të mbyllura. Kini parasysh kufijtë tuaj në amvisëri, në kohë të lirë dhe kur qarkulloni. Shmangiuni rreziqeve. Nëse keni nevojë, pranoni ndihmë.

Ia vlen të veproni për t’i shmangur rrëzimet!

Teksti: Ursula Mosimann, Pro Senectute

Faqja e internetit e Pro Senectute Schweiz: www.prosenectute.ch, Tel. 044 283 89 89

 

 


LAJME INTERESANTE NGA INTERNETI