“Askush s’do të amnistohet nga ndjekja penale në Kosovë”

"Këtë vit Kosova ka vrasje tragjike si pasojë e dhunës në familje. Shpresoj që në konferencat e viteve të ardhshme do të flasim për sukseset e parandalimit të dhunës”, është shprehur ushtruesja e detyrës së ambasadores së SHBA-së në Kosovë, Colleen E. Hyland.

Kështu thotë të paktën Kryeprokurori i Shtetit, Aleksandër Lumezi, madje pavarësisht statusit në shoqëri dhe se askush nuk do të merret në përgjegjësi penale në mënyrë të padrejtë.

Lumezi, me rastin e shënimit të “Javës për të Drejtat e Viktimave të Krimit”, ka kërkuar më shumë drejtësi dhe trajtim më të mirë për viktimat e krimit.

“Të gjithë prokurorët do t’i trajtojmë me kujdes të gjitha rastet e viktimave të krimit. Duhet të reagojmë me kohë kur është në pyetje familja. Nga të gjithë që i shërbejnë drejtësisë, t’u shërbejmë viktimave të krimit. Edhe gjykata duhet të reagojë shpejt, sepse reagimet mund të krijojnë mundësi për përsëritjen e krimit”, ka thënë kryeprokurori kosovar.

Sipas Lumezit, pavarësisht kritikave ndaj institucionit të Prokurorit të Shtetit, me punën që po bëhet është duke u fituar besimi i qytetarëve, por edhe i faktorit ndërkombëtar.

Ndërsa, presidenti i Kosovës, Hashim Thaçi, ka kërkuar nga prokurorët dhe gjyqtarët që t’i marrin seriozisht përgjegjësit që kanë.

E, ushtruesja e detyrës së ambasadores së SHBA-së, Colleen E. Hyland, tha se SHBA-ja do t’i përkrahë iniciativat për parandalimin e krimit. “Kemi kërkuar që dhuna në familje të trajtohet si kategori prioritare.

Këtë vit Kosova ka vrasje tragjike si pasojë e dhunës në familje. Shpresoj që në konferencat e viteve të ardhshme do të flasim për sukseset e parandalimit të dhunës”, është shprehur Hyland.

---