Kosova
Macron tregon mbështetjen për Shqipërinë dhe flet për marrëdhëniet Kosovë-Serbi
Rama u prit me ceremoni shtetërore nga Macroni, ndërsa u shpreh se një mikpritje të tillë nuk e kishte imagjinuar
Presidenti i Francës, Emmanuel Macron, ka theksuar nevojën për normalizimin e marrëdhënieve mes Kosovës dhe Serbisë.
Në një konferencë për shtyp të premten në Paris me Edi Ramën, kryeministrin e Shqipërisë, Macroni ka thënë se normalizimi i marrëdhënieve mes Kosovës dhe Serbisë është i nevojshëm për të gjitha çështjet rajonale.
“Dua të tregoj vendosmërinë e Francës për Ballkanin Perëndimor. Këtu bëhet fjalë për bashkimin e Evropës për ta bërë më të fortë në sfondin e agresionit rus në Ukrainë. Shqipëria ka vazhduar rrugën evropiane me vendosmëri, kini besim te mbështetja jonë. Jemi të impresionuar nga tërësia e reformave dhe kapacitetet për të avancuar. Dua të përshëndes zërin e fortë në rajon të Shqipërisë në skenën ndërkombëtare. Në të gjitha çështjet rajonale është e nevojshme normalizimi i marrëdhënieve mes Serbisë dhe Kosovës”, ka thënë Macron, transmeton albinfo.ch.
Rama u prit me ceremoni shtetërore nga Macroni, ndërsa u shpreh se një mikpritje të tillë nuk e kishte imagjinuar.
Macroni ndërkohë u shpreh i impresionuar me reformat e Shqipërisë për integrimin në Bashkimin Evropian.
Gjatë kësaj vizite, Rama dhe Macron nënshkruan marrëveshje ndërqeveritare që do të thellojnë bashkëpunimin mes shteteve, veçanërisht në fushën e menaxhimit të ujit, atë të turizmit të qëndrueshëm dhe inovacionit.
Takimi i Ramës me Macronin, vjen disa ditë pasi presidenti i Serbisë, Aleksandar Vuçiq, u takua me udhëheqësin francez në Paris.
Pas takimit me Vuçiqin, Macron kërkoi që Kosova dhe Serbia të zbatonin Marrëveshjen në rrugën drejt normalizimit – të arritur vitin e kaluar – duke theksuar se Franca do të sigurohet që çdo hap i kësaj marrëveshjeje do të përmbushet.
E-Diaspora
-
Belgjikë: Arrestohen disa shqiptarë për këto motive Me kërkesë të prokurorisë publike dhe policisë, shërbimet komunale të Olen në Belgjikë çmontuan një plantacion...
-
Gjermani
Humb jetën tragjikisht mërgimtari në Gjermani
-
Gjermani
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
Jeta në Zvicër
-
McDonalds do të hapë shtatë restorante të reja në Zvicër këtë vit Gjiganti amerikan i ushqimit të shpejtë McDonald’s planifikon të hapë shtatë lokacione të reja në Zvicër...
-
Zvicër: Së shpejti pritet ulje e çmimit të faturave të energjisë elektrike
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur