Integrimi
Marrin 80 mijë euro ndihma sociale në Austri dhe jetojnë në Kosovë
Gruaja 79 vjeçare ka pasur të drejtë qëndrimi në Austri vetëm pasi që dy djemtë e saj janë deklaruar se garantojnë financiarisht për të
Policia në qarkun Murtal të Austrisë ka zbuluar një rast të mashtrimit masiv të ndihmave sociale nga një familje kosovare. Sipas policisë, familja, nga viti 2011 deri tash ka përfituar pa të drejtë nga shteti, 80 mijë euro, shkruan heute.at dhe shumica e mediave austriake sot. Nëna 79 vjeçe e dy djemve, 41 dhe 52 vjeçarë ka marrë mbështetje financiare për të paguar banimin dhe sigurimin ndërsa dy bijtë, paratë e papunësisë dhe ato të sigurimit shëndetësor.
Policia prej një kohe të gjatë ka zhvilluar hetime ndaj kësaj familjeje. Siç është konstatuar, gruaja 79 vjeçare ka pasur të drejtë qëndrimi në Austri vetëm pasi që dy djemtë e saj janë deklaruar se garantojnë financiarisht për të, transmeton albinfo.ch. Përkundër kësaj, ajo, në vitin 2011 kishte bërë kërkesë për “sigurimin minimal”, një lloj ndihme sociale për nevoja të veçanta. Veç kësaj, ajo ishte e paraqitur zyrtarisht në një banesë në Zeltweg, ku në të vërtetë nuk banonte ndërsa për të paguar banesën në fjalë ajo merrte ndihma materiale nga shteti.
Nga ana tjetër dy djemtë të cilët, sipas policisë “duket se” kanë shtetësi të dyfishtë, austriake dhe kosovare kanë përfituar nga fondi i të papunëve dhe ai shëndetësor, ndërkohë që nuk i kanë paraqitur qëndrimet e tyre të gjata në Kosovë. Sipas disa mediave, familjarët në fjalë “qëndronin në Kosovë dhe merrnin ndihmat sociale në Austri”.
Ndaj të treve është bërë kallzim penal nga Prokuroria Publike në Loeben.
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Transmetuesit publikë zviceranë tërhiqen nga X/Twitter Transmetuesit publik zviceran RTS dhe SRF po reduktojnë në mënyrë drastike komunikimet e tyre përmes rrjetit...
-
Air India kthehet në Cyrih pas më shumë se 25 vitesh
-
Cyrih
Aeroporti i Cyrihut, më i pastërti në Evropë
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital