Lajme
Covid-19 ka marrë më shumë jetë në SHBA se sa lufta në Vietnam
Më shumë amerikanë kanë humbur jetën në dy muajt e fundit se sa përgjatë dy dekadave të luftës në Vietam. Konstatimi tragjik, që nxjerr në pah impaktin shkatërrues të pandemisë së Covid-19 në Shtetet e Bashkuara, vjen ndërsa vendi konfirmon më shumë se 58 300 viktima nga virusi pandemik.
Personat e infektuar janë tashmë mbi 1 milion dhe përbëjnë një të tretën e popullsisë globale të prekur nga koronavirusi. Panorama bëhet edhe më e zymtë, ndërsa këshilltari më i lartë i shëndetësisë në Shtëpinë e Bardhë, mjeku Anthony Faucci, paralajmëroi se pandemia është ende larg fundit: “Është e pashmangshme që virusi të kthehet e madje mund të mos zhduket fare gjatë verës. Shtetet e Bashkuara do të përjetojnë një vjeshtë të keqe nëse shkencëtarët nuk gjejnë një trajtim efikas”.
Dy faktorë që justifikojnë numrin e lartë të rasteve në Shtetet e Bashkuara janë popullsia e lartë prej 330 milionë banorësh dhe numri i madh i testeve që po kryhen. Vendi ka testuar 5,7 milionë vetë në dy muaj dhe, siç tha Presidenti amerikan, Donald Trump, pritet që së shpejti ta çojnë numrin në 5 milionë teste në ditë.
“E vetmja arsye që Shtetet e Bashkuara kanë mbi 1 milion raste me koronavirus është pasi ne po testojmë shumë më mirë nga çdo vend tjetër në botë. Vendet e tjera janë shumë larg nesh sa i përket testimit”, tha Trump.
Kreu i Shtëpisë së Bardhë po mendon të nënshtrojë ndaj testeve edhe pasagjerë të fluturimeve ndërkombëtare. Ndërkaq, Presidenti urdhëroi që impiantet e paketimit të mishit të qëndrojnë të hapura për të shmangur një krizë ushqimore. Ai nxiti zbatimin e një ligji të kohës së luftës me Korenë që detyron vijueshmërinë e funksionit të impianteve. Kjo, pavarësisht faktit se 3300 punonjës të industrisë janë infektuar me Covid-19 dhe 20 kanë vdekur.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse