Mbytet një 6-vjeçar nga Kosova në Durrës

Ai është dërguar në spital, po nuk ka arritur të mbijetojë

Një ngjarje tragjike ka ndodhur ditën e sotme në Durrës. Një fëmijë rreth 6 vjeç nga Kosova është mbytur, në zonën e plazhit “Iliria”.

Mësohet se fëmija është nxjerrë nga deti nga pushuesit dhe është dërguar menjëherë në spital, por nuk ka mundur të mbijetonte, përcjell albinfo.ch.

“BalkanWeb” raporton se fëmija ka qenë me pushime me familjen e tij nga Kosova.

Në kohën që fëmija ka qenë në det, uji ka qenë i qetë dhe nuk ka pasur dallgë, por prindërit nuk i kanë kushtuar vëmendje vogëlushit të tyre, i cili ka humbur jetën tragjikisht.

---