Me 26 cm trashësi, bora e re në Davos thyen rekordin për shtator

Në Montana (Valis) bora e re që ka reshur gjatë natës së mbrëmshme ka arritur trashësinë prej 25 cm Shtune. Ndërsa në Davos (Graubünden), madje 26 cm

Shtatori nuk është muaj i borës, ndonëse nganjëherë ndodhë edhe të reshë borë. Por, ajo që është regjistruar në mëngjesin e sotëm në disa pika të Zvicrës, përbën rekord për këtë muaj.

Kështu, në Montana (Valis) bora e re që ka reshur gjatë natës së mbrëmshme ka arritur trashësinë prej 25 cm Shtune. Ndërsa në Davos (Graubünden), madje 26 cm, shkruan srf.ch.

Si në Montana ashtu dhe në Davos matjet bëhen që nga viti 1931, transmeton albinfo.ch. Matja e trashësisë së borës së freskët bëhet në mënyrë manuale.

Fakti që matjet e 26 shtatorit 2020 bëjnë pjesë në zonën e rekordeve mund të jetë edhe i rastësishëm, për shkak të kohës së matjes.

Sikur sasia e borës të kishte rënë gjatë ditës dhe jo gjatë natës, siç është rasti tani, matja do të kishte treguar një rezultat tjetër, përcjell albinfo.ch. Në kohën e kaluar midis reshjeve të reja të borës dhe matjes, bora e re do të ishte ulur pak dhe kështu matja do të jepte një trashësi më të vogël të borës.

---