Shqipëria
Merkeli nesër në Tiranë, kjo është agjenda
Mësohet se kancelarja gjermane, Angela Merkel, do të mbërrijë në Tiranë gjatë paraditës së nesërme, në kuadër të vizitës së saj në Ballkan në lidhje me Procesin e Berlinit.
Ajo do të pritet me një ceremoni në Pallatin e Brigadave në orën 10:20, ndërkohë që do të pasojë një takim kokë më kokë me kryeministrin Edi Rama.
Në orën 11:00 delegacionet e dy vendeve në Pallatin e Kongreseve dhe më pas agjenda do të zhvendoset në “Tirana Business Park”, në zonën e Rinasit, ku të pranishëm do të jenë edhe krerët e qeverive të Ballkanit. Atje Merkeli dhe Rama do të mbajnë një konferencë të përbashkët për shtyp rreth orës 14:35.
Agjenda:
10.20 – Ceremonia e mikpritjes në Pallatin e Brigadave
10.30 – Takim mes Kryeministrit Edi Rama dhe Kancelares Angela Merkel në Pallatin e Brigadave
11.00 – Takim bilateral mes dy delegacioneve në Pallatin e Brigadave
11.50 – Mbërritja e Kryeministrit dhe krerëve të qeverive të Ballkanit në Tirana Business Park.
11.55 – Mbërritja e Kancelares Merkel në Tirana Business Park
12.00 – Foto Familjare me krerët e delegacioneve në Tirana Business Park.
14.35 – Konferencë për shtyp mes Kryeministrit Rama dhe Kancelares Merkel në Tirana Business
Procesi i Berlinit sjell për herë të parë në Tiranë kancelaren gjermane Angela Merkel në ditët e fundit të detyrës së saj në këtë post. Merkeli do të jetë në postin e kancelares deri në fund të muajit shtator pas tre mandatesh radhazi në këtë post.
Procesi i Berlinit u iniciua nga Gjermania në vitin 2014 për të përmirësuar marrëdhëniet brenda rajonit të Ballkanit dhe për të përshpejtuar integrimin në BE të atyre shteteve që nuk janë ende anëtare. Fokusi është në ato vende të Ballkanit që ende nuk janë anëtarë të BE-së – Shqipëria, Bosnja dhe Hercegovina, Kosova, Maqedonia, Mali i Zi dhe Serbia.
Të ngjashme
Të tjera nga Shqipëria
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter