Shqipëria

Meta promovon Alpet e Shqipërisë

E martë, 11 Dhjetor 2018 - 15:40 albinfo.ch

Presidenti i Shqipërisë, Ilir Meta, në kuadër të Ditës Ndërkombëtare të Maleve ka ftuar të gjithë të mbrojnë e të promovojnë Alpet e malet e Shqipërisë.

Në një postim në rrjetet sociale, presidenti ka shkruar se Alpet kanë një pasuri e potencial të jashtëzakonshëm për zhvillimin e turizmit, përcjell albinfo.ch.

“E “stolisur” me Alpe dhe male nga më të bukurit në botë dhe me një natyrë të mahnitshme, Shqipërisë nuk i mungon asgjë për të qenë një mrekulli apo një “diamant” i Evropës, siç e cilësojnë dy video-blogerët e famshëm Alyne e Nuseir Yassin”, ka shkruar Meta.