Lajme
Ministri Berset synon të zgjasë bllokimin, të paktën deri në shkurt
Dyqanet duhet të mbylleshin edhe më tutje në orën 19 dhe do të zgjatej gjithashtu edhe ndalesa e shitjes së të dielave
Ministri Federal Alain Berset, i cili mbulon edhe shëndetësinë, dëshiron të zgjasë të paktën deri në shkurt masat aktualisht të vlefshme, të cilat janë të kufizuara deri më 22 janar.
Kjo raportohet nga blick.ch duke iu referuar dy burimeve të pavarura. Prandaj, sipas burimeve të përmendura, restorantet, muzetë dhe qendrat e fitnesit duhet të qëndrojnë të mbyllura edhe pas 22 janarit.
Dyqanet duhet të mbyllen edhe më tutje në orën 19 dhe do të zgjatet gjithashtu edhe ndalesa e shitjes së të dielave, ashtu siç vlen aktualisht.
Berset gjithashtu dëshiron të heqë “laramaninë” kantonale sa u përket masave dhe të prezantojë këto masa minimale në mënyrë unike, për të gjithë Zvicrën., transmeton albinfo.ch. Rritja ose ulja e “Vlerës R” (vlera riprodhuese) nuk duhet të lejohet më të vendosë për lehtësimet mbi baza rajonale.
Deri më tani, nga kjo vlerë riprodhuese varet fakti nëse një kanton mund të bëjë përjashtime nga rregullat e zbatueshme, pra të zbusë ose ashpërsojë masat. Një kanton aktualisht lejohet ta bëjë këtë nëse vlera R ka qenë 0.9 për shtatë ditë, përcjell albinfo.ch. Kjo i bie se 100 njerëz të infektuar nuk kanë infektuar më shumë se 90 persona të tjerë dhe normat e infeksionit janë më të ulëta se mesatarja zvicerane.
Në Këshillin Federal, gjithashtu, dihet prej kohësh që vlera R është një vlerë shumë e pasaktë dhe se ajo pasqyron shumë të kaluarën në vend që të tregojë infeksionet aktuale të koronës.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?