Kosova
Parlamenti i zgjat mandatin Swisscoy-t deri në fund të vitit 2026
Janë numëruar 122 vota pro, 44 kundër dhe 11 abstenime. Votat kundër kanë ardhur nga Grupi Parlamentar i SVP-së, abstenimet nga të Gjelbrit
Ushtria zvicerane do të vazhdojë të qëndrojë në Kosovë edhe për tre vjet. Parlamenti është shprehur në favor të zgjatjes së misionit të Swisscoy deri në fund të vitit 2026, shkruan albinfo.ch.
Dhoma Nacionale e Parlamentit të Zvicrës ka miratuar zgjatjen e mandatit me 122 vota pro, 44 kundër dhe 11 abstenime. Dhoma e Kantoneve (Senati) kishte miratuar tashmë zgjatjen e mandatit, thuhet në një komunikatë të shërbimeve të Parlamentit.
Votat kundër kanë ardhur nga Grupi Parlamentar i SVP-së, abstenimet nga të Gjelbrit.
Me misionin Swisscoy, Zvicra po dëshmon se po bën pjesën e saj të punës për të garantuar stabilitetin në vendet e Ballkanit Perëndimor dhe sigurinë në Evropë, argumentoi Këshilli Federal, transmeton albinfo.ch. Kjo është veçanërisht e rëndësishme aktualisht, për shkak të luftës së agresionit rus në Ukrainë.
Një përshkallëzim në rajon do të rriste shumë presionin e migracionit në Zvicër. Ministrja e Mbrojtjes, Viola Amherd, e kishte thënë tashmë këtë në debatin e Dhomës së Kantoneve, në muajin mars.
Vendimi parlamentar i jep gjithashtu të drejtën qeverisë së shtetit për të shtuar kontigjentin zviceran në forcën shumëkombëshe të KFOR-it të NATO-s. Ky shtim mund të bëhet me deri në 30 pjesëtarë të forcave të armatosura për një periudhë të pakufizuar gjatë mandatit.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?