MMA edhe në Tiranë

Federata Shqiptare e Ndeshjeve të Lira në pallatin e sportit “Asllan Rusi” mblodhi sportistë nga pesë vende

Të shtunën në Tiranë është mbajtur kampionati i pestë ballkanik i arteve mikse marciale (MMA).

Federata Shqiptare e Ndeshjeve të Lira në pallatin e sportit “Asllan Rusi” mblodhi sportistë nga pesë vende.

“Në këtë aktivitet ne synojmë që të arrijmë rezultat më të lartë, pasi ne kemi arritur njëherë vendin e dytë në një kampion të Ballkanit”, tha Alket Rizaj, president i Federatës së Ndeshjeve të Lira, për “Top-Channel”

Prezent në pallatin e Sportit në kampionatin ballkanik ishte dhe Stanislav Nedkov, ish legjenda e UFC në SHBA.

“Jam i lumtur që po zhvillojmë një kampionat fantastik, e 5 shtete pjesëmarrës. Shumë shpejt Shqipëria do të jetë një vend mikpritës për ngjarje edhe më të mëdha se kjo”, tha Nedkov.

Aktiviteti ishte për të gjitha moshat, ndërsa garuan për të marrë medaljet në kategoritë “Tatam” deri në 16 vjeç; në oktagon të moshës deri në moshën 18 dhe mbi moshën 18 vjeç.