Kosova

Mosrespektimi i masave, policia detyrohet t’i arrestojë

Derisa qytetarët nuk po respektojnë masat emergjente të vendosura nga autoritetet në Kosovë, mijëra persona janë arrestuar si shkak i mosvendosjes së maskës dhe mosrespektimit të distancës.

Ndërsa, në anën tjetër, nga instituti për drejtësi, Ehat Miftaraj mendon se këto masa ndaj qytetarëve janë të kundërligjshme.

Ai në një intervistë për “Zërin” tha se autoritet kanë bërë shkelje të qytetarëve derisa kanë kryer arrestime.

“Masat e ndërmara nga Qeveria qoftë Kurti, por edhe Hoti, janë të kundërligjshme dhe me këtë në njëfare mënyre i ka udhëzuar edhe prokurorit edhe gjykatat e tjera si cdo rast i cili është i iniciuar nga prokuroria ndaj qytetarëve të Kosovës për mosrespektim të masave duhet të mbyllen dhe të mosprocedohen penalisht”.

Qytetarëve, të cilëve u janë shqipëtuar masa të tilla, Miftaraj thotë se kanë vetëm një mundësi për t’u kompensuar.

“Fatkeqësishtë Kosova nuk ka bazë ligjore përmes së cilit qytetarët kanë mundësi të padisinë shtetin për inicinim e procedurave penale ndaj tyre. Por në përjashtim u lejohet vetëm e drejta për të paditur shtetin ndaj atyre personave të cilëve ju është caktuar masa e paraburgimit”.

Në bazë të monitorimit të IKD-së ka ndalime dhe arrestime deri në 48 orë të qytetarëve, e në këto raste të arresuarit maksimumin që mund të përfitojnë nga shkeljet e të drejtave të njeriut janë 35 euro dita, përcjell albinfo.ch.