Kosova
Mospërfshirja e Kosovës në PayPal po i dëmton bizneset online
PayPal është një nga kompanitë më të mëdha në botë që mundëson pagesa ndërkombëtare
Valton Tahiri është programer i ri, që e ka gjetur veten në tregun online. Por, në punën e tij nga shtëpia, po has në vështirësi.
Shumica e kompanive në botë pagesat në largësi i kryejnë përmes platformës PayPal, në të cilën nuk është e përfshirë Kosova.
Për shkak të kësaj, 19-vjeçari thotë se i ka humbur disa mundësi për punë. E në disa të tjera ka fituar më pak para, pasi transferet e tjera të parave kërkojnë tarifë më të lartë.
PayPal është një nga kompanitë më të mëdha në botë që mundëson pagesa ndërkombëtare.
Mosanëtarësimi i Kosovës në këtë sistem po i dëmton edhe ndërmarrësit vendorë. Ariana Nila që krijon bizhuteri, thotë se është detyruar ta regjistrojë biznesin në një shtet tjetër anëtar.
“Për neve bizneseve vendore, për ta rritur eksportin dhe që vendet e tjera ta shohin kualitetin e produkteve në Kosovë, duhet patjetër të integrohet forma e sistemit të pagesave përmes PayPal”, thotë Nila, njofton Klan Kosova, përcjell Albinfo.ch.
Klan Kosova ka dërguar pyetje zyrtare në kompaninë amerikane, por që nuk ka marrë përgjigje. Por një të tillë e ka marrë vetë Nila më herët.
“Përgjigjja e tyre ka qenë se PayPal nuk mund ta shtojë Kosovën në listën e shteteve përderisa nuk ka marrëveshje me Bankën Qendrore të Kosovës. Kështu që problemi qëndron te iniciativa e BQK-së për ta zgjidhur këtë problem”, tregon ajo.
Nga Banka Qendrore arsyetohen se PayPal nuk është interesuar ta inkuadrojë Kosovën në platformë.
“Ju njoftoj se deri më tani nuk kemi pranuar asnjë shprehje të interesi nga Paypal apo nga ndonjë bankë/institucion financiar për ofrimin e shërbimeve të pagesave ndërkombëtare përmes kësaj platforme. Njëkohësisht, nuk kemi arritur të komunikojmë me përfaqësuesit e kësaj kompanie dhe nuk kemi pranuar ndonjë përgjigje sa u përket pengesave të mundshme që kjo kompani të përfshijë edhe Kosovën për ofrimin e shërbimeve të pagesave ndërkombëtare”, thuhet në përgjigjen e BQK-së.
Sipas ligjit, asnjë kompani vendore apo e huaj nuk mund të ofrojë shërbime financiare pa leje të BQK-së.
E-Diaspora
-
Një mbrëmje plot risi dhe frymëzim Ngjarja në Google Cyrih ishte një moment historik në misionin e swissalbs për të promovuar dhe...
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
Jeta në Zvicër
-
Vota zvicerane për lehtësimin e sigurime shëndetësore po zbehet dhe mund të refuzohet Arsyeja kryesore duket se janë shqetësimet rreth mënyrës sesi do të financohet plani...
-
Një mbrëmje plot risi dhe frymëzim
-
Rikthehet në diskutim ideja për tramvaj në qytetin St. Gallen
-
Aksion i madh në stacionin e trenit Aarau, pesë të arrestuar
-
Zvicër: Hyjnë në fuqi rregulloret e reja të azilit