Mundësit Edon dhe Egzon Shala përkrahen financiarisht

Ministri i Kulturës, Rinisë dhe Sportit, Kujtim Gashi ka nënshkruar  dy memorandume bashkëpunimi me mundësit Edon dhe Egzon Shala, për shpenzimet e përgatitjeve të sportistëve për Lojërat Olimpike “Tokio 2020” të cilët do të përfitojnë nga 10 mijë euro. Mjetet financiare mundësit do t’i shfrytëzojnë për akomodim, stërvitje dhe ushqimet specifike që janë të parapara për sportistë. Ministri Gashi deklaroi se me këtë përkrahje të drejtpërdrejtë për dy mundësit, ky dikaster po tregon se gjendet gjithmonë pranë sportistëve që kanë talent dhe tregojnë gatishmëri për të arritur suksese dhe rezultate në sportet e tyre përkatëse.

Mundësit Edon dhe Egzon Shala e falënderuan ministrin dhe MKRS-në për këtë mbështetje dhe u zotuan se do të japin maksimumin për të prezantuar veten por edhe shtetin e Kosovën në mënyrën sa më të mirë të mundshme në garat ndërkombëtare në të cilat do të marrin pjesë.