Kuriozitete
Musk paralajmëron ndalimin e internetit në Ukrainë
Elon Musk rikthehet në qendër të vëmendjes. Miliarder i Space X deklaron se kompania e tij nuk mund të financojë “pafundësisht” shërbimin e internetit në Ukrainë me terminalet e saj Starlink.
Në shkurt kur nisi lufta, njeriu më i pasur në botë aktivizoi sistemin e internetit satelitor të kompanisë së tij në Ukrainë për të mbajtur online ushtrinë dhe banorët ukrainas.
“Space X nuk po kërkon të rikuperojë shpenzimet e kaluara, por gjithashtu nuk mund të financojë sistemin ekzistues për një kohë të pacaktuar”, shkroi Musk në Twitter.
Starlink punon duke ofruar internet me brez të gjerë përmes një rrjeti satelitësh. Ajo ka rezultuar jetike për ushtrinë e Ukrainës teksa lufton për të rimarrë tokën ukrainase nga Rusia.
Por, kjo bamirësi mund të marrë fund. CNN publikoi dokumente, ku thuhet se Space X i ka kërkuar qeverisë amerikane të financojë teknologjinë, çka mund të kushtojë 400 milionë dollarë vitin tjetër, transmeton euronews, përcjell Albinfo.ch.
Kohët e fundit miliarderi Elon Musk provokoi zemërimin e Kievit, duke i sugjeruar të lëshojë territore.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit