albinfo.ch
E-Diaspora
Në Bernë nis manifestimi “Ditët e Kulturës Shqiptare”
Më vazhdën e kremtimeve për ndër të 28 Nëntorit, Ditës së Pavarësisë se Shqipërisë, në ambientet e ambasadës së Kosovës në Bernë është hapur mbrëmë ekspozita e fotografit tonë të njohur Fadil Berisha.
Ministria e Diasporës, në bashkëveprim me Ambasadën e Republikës së Kosovës dhe Qendrën Kulturore të Kosovës në Cyrih ka nisur mbrëmë në Bernë manifestimin për nderë të festës së flamurit, “Ditët e kulturës shqiptare në Zvicër”.
Në kuadrin e këtij manifestimi, në ambientet e Ambasadës së Kosovës në Bernë, në praninë e të ftuarve dhe mysafirëve që kishin ardhur, është hapur ekspozita “Albanian beauty” (bukuria shqiptare) e fotografit me famë botërore – Fadil Berisha. Bukuritë shqiptare nëpërmjet fotografive të fotografit shqiptar ishin në qendër të ekspozitës, fotografi të cilat kishin zënë vend duke mbuluar kështu muret e ambientit të ambasadës së Kosovës.
Në fjalën hyrëse Ambasadorja e Republikës së Kosovës në Zvicër, Nazane Breca duke falënderuar të ftuarit dhe mysafirët që kishin ardhur, ka shpallur të hapur ekspozitën, “Albanian beauty”. Më pas të pranishmëve u është drejtuar sekretari i përgjithshëm i Ministrisë së Diasporës, Osman Shahini, i cili ka thënë se këtë vit Ministria e Diasporës ka zgjedhur këtë formë të organizimit duke dashur që të prezantojë vlerat tona kombëtare si brenda ashtu edhe jashtë. Ai mes tjerash ka thënë se ministria që ai përfaqëson do të vazhdojë të mbështesë aktivitetet kulturore, me theks të veçantë atë që është prioritet i yni ruajtjen e gjuhës dhe kulturës, duke bërë thirrje për një vëmendje më të theksuar në mësimin e gjuhës shqipes në mesin e diasporës sonë, si një vlerë e veçantë.
Përveç ekspozitës, të pranishmit kanë pasur mundësinë që në kuadër të “Ditët e kulturës shqiptare” të ndjekin disa filma të shkurtër artistikë. Të përzgjedhur ishin katër filma, duke filluar nga filmin tashmë i njohur, njëherësh i nominuar për Oscar “Shok”. Më pas edhe filmat të tjerë siç ishin “Kanarinat e dinë”, „Anestezion” dhe “Cheers”.
Gjate ditës së sotme 30 nëntor do të jepet shfaqja e dramës “Sikur kjo të ishte shfaqje”, realizim i Teatrit Kombëtar të Kosovës. Në këtë shfaqje luajnë: Rebeka Qena, Adrian Morina,Armend Ismajli dhe Besnik Krapi. Ajo do të jepet në Tell Kultur Zentrum, Bernstrasse 101, 3072, Ostemundingen (Bernë).
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën