Lajme
Në takimin Vuçiq – Vahrleyi shfaqet libri “Trashëgimia e krishterë në Kosovë e Metohi”
Takimi i sotëm mes presidentit të Serbisë, Aleksandar Vuciq dhe Komisionerit për Zgjerim, Oliver Vahrleyi, ka ndodhur në zyrën e misionit serb, ku ai është pritur me pogaqe tradicionale serbe.
Presidenti i serbëve këtë mikpritje në qytetin administrativ të Evropës e publikoi edhe në Instagram.
“Mirëseardhje me bukë serbe në misionin serb në Bruksel”.
Pas takimit, Vahrleyi postoi në Twitter dhe tregoi çfarë u bisedua.
“Diskutim i mirë me Presidentin e Serbisë, Aleksandër Vuçiq, në Bruksel sot, për marrëdhëniet BE-Serbi, luftën kundër COVID-19 dhe përgatitjet për Planin Eonomik. Komisioni Europian do ta parashtrojë atë në vjeshtë dhe bashkëpunimin regjional”, ka shkruar ai, përcjell albinfo.ch.
Por, ajo që mori vëmendje të madhe në këtë fotografi ishte prania e një libri me titull “Trashëgimia e krishterë në Kosovë e Metohi” afër Komisionerit Evropian për Zgjerim.
Kjo ngjalli edhe reagime të shumta.
Ministrja e Punëve të Jashtme e Kosovës, Meliza Haradinaj-Stublla, këtë fotografi e ka quajtur skandal diplomatik dhe më shumë se provokim dhe anim.
“Është përtej skandalit diplomatik dhe më shumë se provokim dhe anim – takimi i Komisionerit për Zgjerim të BE-së, Olivér Várhelyi ,me Vuçiqin, me ekspozim të qëllimshëm të librave shovinistë, me emra që janë derivat i projeksioneve për spastrim etnik dhe pretendime territoriale ndaj shteteve tashmë të pavarura dhe sovrane. Projeksionet e tilla kanë vdekur, bashkë me regjimin gjenocidal të Millosheviqit”, ka shkruar ajo, duke theksuar se duhet ta ketë të qartë çdo tavolinë, e çdo përfaqësues se Republika e Kosovës është një dhe e pacenueshme.
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër