Bota
Në vend të “selfie”, kujdes nga “killfie”
Një person është rrëzuar nga një vinç kantieri, nga një lartësi prej rreth 60 metrash dhe ka humbur jetën.
Kanë qenë skena të tmerrshme, të cilat u zhvilluan para disa kalimtarëve, të enjten pak para orës 07.00 në një kantier në rrugën “Nordbahnstrasse” të Vjenës, shkruajnë mediat austriake, informon Albinfo.ch. Një person po bënte gjimnastikë në një vinç, bënte foto me vetveten dhe pinte nga një shishe. Më pas, ai është rrëzuar dhe ka humbur jetën.
Në fillim kishte shpresa se personi do ta mbijetonte rastin. Kur arritën forcat e shpëtimit, ai ende kishte shenja të jetës. Personi i lënduar rëndë, menjëherë është dërguar në spital, por më vonë ka ndërruar jetë.
Një dëshmitar okular (40) i cili dëshiron të mbetet anonim, ka rrëfyer për ngjarjen e tmerrshme. “E vura re menjëherë personin mbi vinç. Persona të tjerë e alarmuan policinë dhe zjarrfikësit. Ai u ngjit në majë të vinçit, bënte foto dhe gjithashtu hodhi poshtë një shishe birre”.
Dy ditë më parë, disa blogerë indas të udhëtimit u rrëzuan në Yosemite Park të Kalifornisë. Ata donin të fotografoheshin sa më afër humnerës. Në Meksikë, dy vajza u paraqitën në mes të pistës për një foto, ndërsa papritmas i goditi një avion. Në Austri, një austriak tjetër vdiq gjatë fotografimit, në shtator, në Bregenzerwald.
Deri më tani janë regjistruar 259 viktima të fotografimit që bëjnë me vetveten, të ashtuquajtur “selfie”, nëpër vendet jashtzakonisht t ërrezikshme. Këto shifra horror janë hulumtuar nga revista “Journal of Family Medicine and Primary Care”. Shumica e viktimave janë indianë (159), 73 për qind janë burra. Fenomeni tashmë ka një emër tjetër: “Killfie”.
Të ngjashme
Të tjera nga Bota
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Si mund të ndikojnë tek ju dy referendumet vendimtare të sigurimeve shëndetësore në Zvicër? Çmimi i primeve të sigurimit shëndetësor zviceran është rritur ndjeshëm në vitet e fundit, duke nxitur...
-
Bujtinat e të rinjve në Zvicër kanë shënuar rekord netqëndrimi në vitin 2023
-
Zvicër: Gjobiten rëndë dy shoferë, pasi postuan videot në rrjetet sociale
-
Swisscom gjobitet me 18 milionë CHF
-
Ideja që i bashkon të gjitha partitë politike