Integrimi
Neritan Hysa, koncert me piano në Cottbus, Gjermani
Nga viti 2013 Neritani është duke ndjekur drejtimin e pedagogjisë së këndimit dhe të instrumenteve në BTU Cottbus-Seftenberg me lëndë kryesore pianon, te profesori Wolfgang Glemser
Të enjten, më 24 mars në Cottbus-Sachsendorf mbahet një koncert i duos me piano (Neritan Hysa) dhe violonçel (Meinhard Holler). Dy instrumentistët cilësorë do të ekzekutojnë vepra të Bethovenit, Shopenit dhe Sostakovicit.
Neritan Hysaj, siç shkruan portali gjerman niederlausitz-aktuell.de, është i lindur në Kosovë, gjegjësisht në Prishtinë, në vitin 1987. Nga viti 2004 deri në vitin 2009 ai ka studiuar pianon në universitetin e qytetit të tij të lindjes. Nga viti 2013 Neritani është duke ndjekur drejtimin e pedagogjisë së këndimit dhe të instrumenteve në BTU Cottbus-Seftenberg me lëndë kryesore pianon, te profesori Wolfgang Glemser, transmeton albinfo.ch. Qysh në vitin 2002 Hysa kishte fituar çmimin e tretë në garën «Pianisti i ri» në Tiranë.
Ndërkohë ka marrë pjesë në shumë aktivitete muzikore në vend e jashtë tij si solist në piano ose në orkestra kamertale. Ka marrë pjesë në shumë master-kurse. Në vitin 2009 ai ka ekzekutuar si solist me Filarmoninë e Kosovës.
Hysa dhe Holler njihen që nga viti 2010 kur Hysa ishte pjesëmarrës në kursin e drejtuar nga Holler, për muzikë kamertale, përcjell albinfo.ch. Duke u mbështetur në këtë njohje, regjisori gjerman Walter Wehmeyer ka realizuar filmin dokumentar të transmetuar nga stacionet kryesore televizive gjermane «Musik nach dem Krieg – Kosovo zwischen Trauma und Neubeginn» («Muzika pas luftës – Kosova në mes traumës dhe fillimit të ri»).
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër