“Nestle” shkurton 380 vende pune në Gjermani

Koncerni i madh zviceran i industrisë ushqimore “Nestlè” njoftoi sot se do të shkurtojë rreth 380 vende pune në Gjermani për shkak të zvogëlimit të kërkesës dhe zhvendosjes së prodhimit.

“Nestle” punëson më shumë se 330,000 njerëz në mbarë botën, dhe në qershor njoftoi mbylljen e fabrikës në Ludwigsburg, ku punëson rreth 100 punëtorë për të prodhuar zëvendësuesin e kafesë Caro.

Në deklaratën për shtyp ata njoftuan mbylljen e laboratorit në Vadingun Bavarez, ku 85 vetë do të mbesin jashtë punës, shkruan albinfo.ch

106 vende të tjera të punës do të shkurtohen në fabrikën e ushqimit të fëmijëve në Bissenhofen në Bavari dhe një tjetër me 95 punëtorë në fabrikën në Lidinghausen, ku prodhohet Maggie.

“Kjo na jep një kuadër të besueshëm për krijimin e strukturave tona industriale të përshtatura për mjedisin shumë dinamik”, tha “Nestle”.